Aktuelles

D’Beweegung fërdert net nëmmen d’Gesondheet, mee och d’Konzentratioun, d’Zesummenaarbecht an d’Wuelbefanne vun de Kanner. Eng aktiv Schoul ass eng lieweg Schoul – an domat och eng erfollegräich Schoul.

Wéi steet et ëm d'Ausdauer vun denger ganzer Klass? Beim WibS-Laf kann all Kand weisen, wéi fit et ass. Vill Spaass!

Kuck dir en un, bestell en a bréng YOGA an deng Klass.

Am Kader vun der 3. Nationaler Beweegungswoch gouf de 4. Juni 2025 um I.N.S. de grousse Beweegungsdag organiséiert. De SCRIPT, de Sportsministère an de Sportlycée haten invitéiert. De groussen Highlight war d’Finall vun der LEVEL-UP Challenge “Déi beweeglechste Klass 2025. Hei waren d’Kanner vu Beefort (2x), Stengefort a Miersch déi bescht. Iwwer 400 Kanner haten de ganzen Dag bei bal dréchenem Wieder a beschtem Catering vill Spaass a konnte sech bei ënnerschiddleche Sportaarten a Beweegungsatelieren auspoweren. E grousse MERCI op dëser Plaz u jiddereen, dee gehollef huet, dass et fir d'Kanner e besonnegen Dag bleiwe wäert.

Vum 28.04 - 30.04.2025 hu sech 40 Klassen an der WibS-Arena beim WibS-Duell gemooss. Am Cycle 4.1 huet d'Grondschoul vu Schëffleng sech ganz knapps mat 259 Punkte géint Rëmmeléng (258) a Kielen (242) duerchgesat. Am Cycle 4.2 waren d'Kanner vu Buerglënster mat 302 Punkten déi glécklech Gewënner, dëst viru Munneref (301) a Miersch (295). Op jiddefall hunn d'Jongen an d'Meedercher aus alle Klassen alles ginn. Déi éischt 3 Klasse krute jeeweils e flotte Präis. Mir freeën eis elo schonns op 2026.

Säit Oktober 2024 hunn eng 20 Schoulklassen vum Cycle 1-4 alles ginn, fir den Titel "Beweeglechste Schoulklass 2025" ze gewannen. Fir si geet d'Rees de 4.Juni 2025 um I.N.S. weider. Hei steet déi grouss Finall um Rendez-Vous. Am PDF hei drënner gesäis du nach emol alles, wat si hu misse leeschten. BRAVO un all Klass, déi matgemaach huet.

Déi lescht Woch vum 2.Trimester kann deng Klass sech nach méi beweegen. Vergiess awer net, gutt duerch ze lëften. Opgepasst, all QR-Code ass och ëmmer cliquable. Vill Spaass heibäi !

Bis d'Fuesvakanz haten d'Klassen Zäit fir hire Video a 5 Fotoen vun der Challenge 2 eropzelueden. Elo ass deen zweeten Deel gepackt, an deen drëtten Deel steet ab dem 25.Februar 2025 um Programm.

D’Aschreiwunge fir d’Aktivitéite vun der YEP! Schoulfoire hunn ugefaangen.

All déi Leit, déi sech op eisen Newsletter abonéiert hunn,kruten dës flott Aktivitéite virun der Fuesvakanz per Mail.

Bis de 11.12.24 haten d'Klassen Zäit fir hire Video a 5 Fotoen vun der Challenge 1 eropzelueden. Elo ass deen éischten Deel gepackt, an deen zweeten Deel steet ab dem 8.Januar 2025 um Programm.

Mir sinn 2025 nees fir iech do. Stay tuned!

Klick dech derduerch, vill Spaass!

Am Kader vun der beweeglechster Klass 2025 kanns du deng Klass nach aschreiwen. Et lount sech matzeman. Trau dech!

- Schutzschëld (fir C1&2) - Schutzschëld (fir C3&4) - May the force be with you (fir C2-4) - May the force be with you (fir C3&4) - D’Giraff (fir C2-4)

Ab elo kanns du deng Klass fir d'LEVEL UP Beweegungs-Challenge umellen

Déi ganz Equipe vun der SCRIPT Beweegungsfërderung wënscht jidderengem eng flott Rentrée.

Déi ganz Equipe vun der SCRIPT Beweegungsfërderung wënscht jidderengem eng agreabel an erhuelsam Vakanz.

'YES' ass ausgebucht an d’Aschreiwunge fir d'Schouljoer 2024-2025 sinn zou. Déi vill Schoulen, déi dëst Joer keng Plaz méi kritt hunn, kréien d‘nächst Joer eng nei Geleeënheet fir derbäi ze sinn. D’Coordinatrice vum Projet 'YES' bleift disponibel fir Iech op Froen ze äntweren. Heifir kënnt Dir dem Sabine gären eng Mail op yes@script.lu maachen.

Léif Bicycool-Frënn, Iwwert d’ganzt Schouljoer ass eng Evaluatioun gemaach ginn, wéi mir de Projet nach méi optiméiere kënnen. Eis ass et wichteg, fir méiglechst ville Klassen eng gutt Offer ze bidden. Dofir huele mir no der Rentrée Adaptatioune vir. Soubal alles steet, ginn nei Inscriptioune fir de Cycle 1 Lafrad - an de Cycle 2-4 Projet op. Merci fir de Versteesdemech! Du wëlls um Lafende bleiwen? Dann abonéier eise Beweegungs-Newsletter an check reegelméisseg eis Neiegkeeten op beweegung.lu