Zanter Oktober 2025 hunn 43 Klassen aus de verschiddene Cyclen reegelméisseg un de Beweegungs-Challengen deelgeholl an hir Aufgabe gemeeschtert. Déi dräi beschte Klassen aus all Ënnercycle goufen op d’Schoulfoire invitéiert.
Am Ganze sinn also 12 Klassen ugetrueden an hunn op verschiddenen Atelieren hiert Bescht ginn: Vëlofueren, Seelsprangen, Street Racket, Parcours, Torwand, Jeans-Hänken a Blazepods, alles bei beschter Stëmmung.
Fir hiren Asaz goufen si mat flotte Präisser belount: e risegt Sprangschlass fir d’Schoul (fir 2 bis 3 Deeg), en Dag am Mariendall, Bicher an eng Beweegungskëscht. Fir si e flotte Moment mat der ganzer Klass op der Schoulfoire.
