Grousse Beweegungsdag fir de Cycle 3 um I.N.S.

07-06-2024

Am Kader vun der 2. Nationaler Beweegungswoch gouf de 5. Juni 2024 um I.N.S. de grousse Beweegungsdag organiséiert. D’National Beweegungswoch ass den Nofollger vum Schoulsportdag, deen an de Grondschoule säit ville Jore bekannt war. Dësen Nofollgerprojet, bei deem nach méi d’Beweegung an net direkt de Sport an der Vitrinn steet, huet sech iwwer eng ganz Woch gestreckt, fir all interesséierter Schoul a Klass den néidegen zäitleche Sputt ze loossen, fir matzemaachen. De groussen Highlight vun der Beweegungswoch war de Clevermove-Dag, deen de SCRIPT zesumme mam Sportsministère a mam Sportlycée organiséiert huet. Op dësem Mëttwoch hunn 30 Cycle 3-Klassen aus de 15 Regionaldirektiounen an 2 Flüchtlingsklassen e ganzen Dag zesumme verbruecht, op deem si ënnerschiddlech Sportaarten a Beweegungsateliere matmaache konnten. Iwwer 500 Kanner aus dem Cycle 3 haten de ganzen Dag bei dréchenem Wieder a beschtem Catering vill Spaass a konnte sech gutt auspoweren. E MERCI op dëser Plaz u jiddereen, dee gehollef huet, dass et fir d'Kanner e besonnegen Dag bleiwe wäert.

Grousse Beweegungsdag fir de Cycle 3 um I.N.S.

Den Aftermovie fënns du hei.

Weitere Informationen

Actualités récentes

Nationale Beweegungswoche Zyklus 1-4

Die Grundschulen bekommen vom SCRIPT eine Hilfestellung mittels eines "How to guide" mit praktischen Ratschlägen sowie Prinzipien, wie die Schule diese Woche rundum planen könnte.

Weitere Informationen

Déi beweeglechste Klass 2024

Vum 21.04.2024 - 23.04.2024 hunn 19 Klassen aus dem Cycle 3 & 4 alles ginn, fir den Titel "déi beweeglechste Klass 2024" ze gewannen. Um Enn war et am Cycle 4 eng kloer Saach fir d'Grondschoul vun Angelsbierg. Si konnten hiren Titel vun 2023 verdeedegen, dat virun de Schoule vu Miersch a Waldbëlleg. Am Cycle 3 huet sech d'Sonneschoul vun Noertzange géint Beefort duerchgesat. Alle Klassen op dëser Plaz e grousse MERCI, well dir waart alleguer immens!

Weitere Informationen

Flashmob 2024 mam Laura

Wann s du mat denger Klass eng flott Choreografie astudéiere wëlls, hei am Film kriss du Schrëtt fir Schrëtt vum Laura erkläert. Vum 3. - 7.Juni 2024 kanns du, am Kader vun der Nationaler Beweegungswoch, d'Schlussresultat filmen an eis zoukomme loossen. Technech Detailer heizou kommen nach no. Bis dohinner gëllt et, fläisseg ze üben an am Rythmus ze bleiwen.

Weitere Informationen

Zu Bierchem um Gank

Hei e puer Andréck, wéi een de Gank an der Schoul gestalte kéint.

Weitere Informationen

Nach oben